Një këndvështrim nga të dyja anët e xhamit ballor.

Të ndash rrugën me përdoruesit e tjerë ka rreziqe, dhe diçka që bashkon pedalues të rinj e të vjetër është frika e goditjes nga një automjet. Por, çfarë ndodh nëse jo vetëm njëri nga të implikuarit është pedalues? Një studim I bërë gjatë vitit 2014 ka treguar që 88% e pedaluesve të rregullt janë dhe drejtues automjetesh ndaj dhe është e pashmangshme që vet ata (shoferet) të përfshihen në një aksident ndërkohë që janë duke pedaluar. Historia në vijim është një e tillë, një pedaluese e rregullt që goditi një çiklist me automjetin e saj. Emrat janë ndryshuar për tu ruajtur privacia e individëve por historia vlen të prezantohet që të kuptohet që kur vjen situate në ktë pikë midis automjeteve dhe biçikletave, nuk mund të jetë “ne kundër atyre”.

-               - Shoferja

Mikesha jonë, le ta quajmë Veronika, jeton në një lagje të Boston dhe të gjithë miqtë e njohin si pedaluese të përditshme. Pedalon për dhe nga puna e saj që ndodhet 5 kilometra larg, si dhe një pjesë të mirë të detyrimeve shtëpiake I plotëson mbi pedale. Boston ka bërë shumë hapa pozitivë vitet e fundit për tu bërë një qytet ku pedalohet me kenaqësi, por Veronika ende shprehet e shqetësuar në lidhje me përplasjet. “Thuajse çdo ditë mendoj situata ku jeta ime vendoset në rrezik” thotë ajo. Edhe të ngasësh makinën në Boston nuk është e lehtë për shkak të trafikut. Shumë shoferë kanë braktisur makinat që ti shpëtojnë këtyre kushteve por edhe mbi biçikletë kanë të njëjta probleme për shkak të mungesës së vigjilencës së shoferëve. “Kur pedalon vet ke më shumë kujdes” thote ajo, “nëse jam e ndaluar në rrugë gjithmonë kontrolloj pasqyrat përpara se të nisem dhe asnjëherë nuk I bie borisë kur kam përpara një biçikletë”.

-              -  Përplasja

Gjatë një dimri posaçërisht të vështirë në Boston, pedalimi Ishte I vështirë, dhe duke mos pasur goma por dhe pajimet e duhura për atë mot, Veronika e gjeti veten duke I dhënë makinës përgjatë Shkurtit dhe Marsit. Në një ditë të tillë marsi, ndodhi aksidenti. Ajo po ecte në rrugët e ngushta të lagjes së saj dhe në një kryqezim ndali për të kontrolluar trafikun në ardhje. Sipas edhe raportit të policisë, një makinë e parkuar jashtë rregullit, I pengonte shumë fushëpamjen në kryqëzim dhe për pasojë ajo duhej të futej mjaft brënda tij për të kontrolluar për makina në ardhje. “Ndërkohë që po ecja për tu futur në kryqëzim, çiklisti u pengua me anësoren e pjesës së përparme të makinës dhe pas një përplasje në kofano përfundoi në asfalt”. Çiklisti ishte duke zbritur një kodrinë dhe e njëjta makinë që pengonte Veronikën të shikonte rrugën, pengonte dhe çiklistin të shikonte makinën që po futej në kryqëzim. Djali mbi biçikletë që e kishte vendosur një kaskë në kokë, kishte gjakderdhje nga hundët por dukej I padëmtuar. Arriti të ngrihej menjëherë dhe ajo që mbizotëronte ishte shokimi nga ngjarja. Veronika doli menjëherë nga automjeti për të parë nëse ishte mirë dhe lajmëroi menjëherë ambulancën. Gjatë pritjes për policinë dhe ambulancën kërkoi ndjesë me dhjetëra herë duke pranuar që si person që pedalon, ky ishte një gabim kryekëput I saj. Pasi djali u vendos në ambulancë për të bërë kontrolle të mëtejshme, Veronika kërkoi të shoqërohet pasi nuk ishte në gjendje të ngiste automjetin e saj.

-                - Pas përplasje

Gjatë pedalimit, Veronika identifikohet si një person me një reagim të fortë ndaj shoferëve neglizhent, ata që hapin dyert dhe ata që e përdorin borinë pa hesap. Duke menduar shpesh që mund të goditet ajo vet, dhe si do vijonte nëse do goditej, ajo u habit tej mase kur pa që djali të cilin ajo aksidentoi, po tregonte një mungesë të madhe nervozizmi. Ata nuk u konfliktuan aspak madje në ditët në vijim ata mbetën në kontakt të vazhdueshëm në lidhje me shëndetin e djalit. Pas aksidentit edhe dimri lejoi Bostonin të rrisi temperaturat, dhe Veronika la sediljen e makinës për shalën e biçikletës së saj. Pavarësisht aksidentit ajo shprehet aspak e frikësuar për veten e vet në trafik por edhe më të kujdesshme se më parë. 

Industria e biçikletave në Evropë krijon 650.000 vënde pune!

Rrugës drejt 1 milion vënde pune!

Një studim nga Federata e çiklistëve evropianë, publikuar nga The Guardian, paraqet shifrat ekonomike të industrisë së biçikletave. Në 2020 kjo industri mund të arrijë 1 milion vende pune!

Biçikleta është qëndrueshmëri, ekonomi e gjelbërt, shëndet, lumturi ... por gjithashtu një motorr i fuqishëm i ekonomisë. Kjo është vërtetuar nga një studim i kohëve të fundit nga Çiklistët e Federatës Evropiane (ECF), të dhënat e të cilit janë publikuar nga gazeta britanike Guardian. Të dhënat janë inkurajuese: biçikleta punëson 650,000 njerëz në Evropë, duke përfshirë prodhimin, turizmin, tregtinë, infrastrukturë dhe shërbime.

Ekonomia e lidhur me biçikletat po rritet dy herë më shpejt se sektorë të tjerë si çelik, dhe më shpejt se industritë tradicionale të tilla si miniera. Në fakt, sipas studimit rritja e përdorimit të bicikletës si formë transporti coi edhe në rritjen e punësimeve në këtë sektor, nga (3%), u rrit me 6%, dhe në 2020 synon në 1 milion vënde pune.

"Investimi në biçikleta gjeneron përfitime më të mëdha ekonomike se çdo mjet tjetër transporti"

"Qeveritë duhet të jenë të vetëdijshme se investimi në ciklizëm është tërësisht i justifikuar për arsye të transportit, ndryshimeve klimatike dhe shpenzimeve shëndetësore”. "Tani ne mund të themi me plotë gojë dhe të tregojmë në mënyrë të qartë se çdo shteg biçikletë që është ndërtuar, ka kontribuar dhe ka gjeneruar vënde pune në ekonominë e gjelbërt”  Investimi në çiklizëm qëndron superior ndaj çdo përfitimi tjetër ekonomik të transportit. Prandaj, duhet të jetë opsioni i parë."

Studimi gjithashtu thekson se bicikleta ka sjellë përfitime shumë herë më të mëdha për bizneset e vogla lokale, si dyqane, kafene dhe restorante, si rrjedhojë e mundësive të pakufizuara të ciklistëve për të ndaluar, për ti vizituar dhe konsumuar në këto biznese.

1 Karikaturë sa 1000 fjalë! (Ndaje dhe ti rrugen me trenin)

Bicikleta tashmë njihet si forma më praktike e transportit. Megjithëse si e tillë shumë qytete të Shqipërisë nuk kanë asnjë infrastrukturë  biçikletë. Me mangësi është edhe qyteti ynë, Tirana. Dhe pse dhjetëfish më e lirë krahasuar me investimet në infrastrukturën e automjeteve, bicikleta nuk gëzon ende vëndin e duhur në rrugët tona.

Gjëja më e trishtuar është se shumë politikëbërës në qytete dhe qarqe në të gjithë vendin mendojnë se është krejtësisht e pranueshme që të ketë një korsi biçiklete pak këtu dhe pak aty, duke i detyruar ciklistet të akrobatojnë në trafikun e makinave. Një infrastrukturë e këtillë përvec se e rrezikshme është një shaka e hidhur që mund të marri jetë ciklistësh.

Steve Patrick Adams ka vizatuar një karikaturë e cila nxjerr në pah këtë absurditet, në mënyrë të qartë dhe të kuptueshme nga kushdo. Karikatura mund të duket paksa gallatë por në të vërtetë është e trishtë. Ajo ngre problemin për të gjitha qytetet që mendohen si miqësore me mjedisin dhe bicikletën, duke vizatuar korsi të bukura tek-tuk, në të cilat ciklistët gjejnë pak strehim në mes trafikut, por jo një rrjet të mirëfilltë dhe të lidhur që mbron dhe siguron ciklistët.  

Fatkeqësisht ndodh shpesh që të vetëkënaqur me segmente korsish nuk janë vetëm politikbërësit por edhe vetë çiklistët. “Kjo është më e mira që Bashkia mund të bëjë”, ose “Shikoni sa korsi po shtohen” janë shprehje që fatkeqësisht i flasim dhe mes nesh. Që bicikleta të ketë vëndin e duhur në rrugë dhe ciklistët të jenë vërtet të sigurt, njerëzit, ciklistët dhe politikbërësit nuk duhet të pranojnë një infrastrukturë bicikletë si kjo në këtë karikaturë.

(Rruga mbaroi sërish, tani me duhet ta ndaj rrugën me trenin)

7 Arsye për tu çuar nga sedilja makines, për të pedaluar!

7 Arsye për tu çuar nga sedilja makines, për të pedaluar!

Biçikleta nuk është vetëm një mjet i transportit të gjelbërt dhe argëtimit, por ajo është gjithashtu një nga alternativat më të mira për të qëndruar në formë dita ditës. Por në detaje, kush janë përfitimet e të pedaluarit? Më poshtë janë disa nga përfitimet që urojmë t’ju nxisin të coheni nga sediljet e makinës dhe të filloni një jetë aktive dhe më të shëndetshme.

1.       Biçikleta është efikase për të reduktuar kolesterolin në gjak dhe për të mbrojtur zemrën tonë. Pedalimi i përditshëm zvogëlon çdo mundësi për atak në zemër.
2.       Pedalimi ndihmon për të forcuar muskujt e këmbëve, për të humbur në peshë dhe nëse nuk keni kohë për të praktikuar bicikletën si sport, ju mund ta përdorni për të shkuar në punë apo për lëvizjet e përditshme duke përfituar të njëjtat të mira.
3.       Për dhimbjet e shpinës është zgjidhja ideale! Pjesa e kurrizit, muskujt dhe kockat e pasme përfitojnë nga pedalimi duke u forcuar ndieshëm.4.       Gjunjtë tona stërviten në një mënyrë tepër të butë duke i mbrojtur afatgjatë nga cdo lloj dëmtimi.

    5.       Stresi dhe tensioni , janë një tjetër meritë e madhe e biçikletave që nëpërmjet ushtrimit dhe  veprimtarisë së përditshme na lirojnë nga stresi dhe tensioni. Përveç kësaj biçikleta nxit të menduarit, çlodhjen duke lënë pas ndërhyrjet negative.6.       Ashtu si shumë aktivitete të tjera fizike, çiklizmi forcon sistemin tonë imunitar, çliron endorfinën e cila na bën të ndihemi më aktiv, përmirëson vetë-respektin dhe ul depresionin.
7.       Nëse keni nevojë për më shumë arsye motivuese mbi përfitimet e biçikletës, pyesni një doctor, një ambientalist apo thjesht kërkoni “përfitimet e bicikletës” dhe menjëherë do ju shfaqen dhe dhjetëra ndikime të tjera pozitive të biçikletës.

Yjet e Hollivudit bashkohen në luftën kundër ndryshimeve klimatike!

“Një ditë do të zgjohemi për të kuptuar se kemi ndryshuar tërësisht fytyrën e Tokës", thotë aktori Morgan Freeman në këtë video, e cila u shfaq kohët e fundit në “Samitin e Klimës” të Kombeve të Bashkuara. Mesazhi: nafta, gazi natyror dhe qymyri janë duke shkaktuar rritje të ndjeshme të temperaturës së Tokës, dhe ne nuk mund të presim akoma për burimet alternative të energjisë.

Shumë aktorë janë duke përdorur ndikimin e tyre për të rritur ndërgjegjësimin mbi ndryshimet klimaterike. Cameron Diaz ishte nga të parat aktore që përdor një makinë hibride.  Leonardo DiCaprio gjithashtu përdor një të këtillë, dhe po punon në realizimin e një filmi mbi ngrohjen globale, duke u angazhuar dhe në shumë fushata mjedisore.

Brad Pitt ka themeluar një organizatë për rindërtimin e shtëpive të shkatërruara nga stuhitë me materiale miqësore ndaj mjedisit. Harrison Ford gjithashtu udhëtoi drejt Indonezisë për të ndaluar masakrën e shpyllëzimit dhe drejton një seri televizive në lidhje me ndryshimin e klimës.

"Unë shpresoj që të përdorim ndikimin tonë, për të motivuar njerëzit dhe për të kontribuar në mbrojtjen e mjedisit", thotë Don Cheadle në një iniciativë të Kombeve të Bashkuara. "Unë jam i befasuar që mjedisi nuk është në krye të rendit të ditës. Ka gjë tjetër më të rëndësishme se ushqimi dhe ajri i pastër? "

Bashkë mund të bëjmë ndryshimin e madh. Bisedoni me familjen dhe rrethin tuaj të miqve në lidhje me rreziqet e ngrohjes globale, nga rreziqet e shëndetit tonë dhe ndaj kërcënimeve bujqësore. Mëso për energjitë e pastra dhe përfitimin në shtëpitë tuaja. Aktet të vogla si riciklimi i mbeturinave ose pedalimi mund të ndihmojë në luftën tonë ndaj ndryshimeve klimaterike!

ISHTE KOHA KUR DUHEJ GUXIM PER TE PEDALUAR

(…se italianet nuk njihen vetem per pizza-n)

Sot kujtojme Alfonsa Strada, ciklisten e pare italiane, e cila guxoi te pedalonte ne “gara mashkullore” si “Xhiron e Lombasrdise” e “Xhiron e  Italise”, nje nga pioneret ne rrugetimin drejt barazise gjinore ne ciklizem e jo vetem.

Ajo nisi te pedalonte para moshes 14 vjecare e kur e ema I tha se mundesia e vetme per ta vazhduar kete “cmenduri” ishte te martohej me dike e te largohej nga shtepia, ajo zgjodhi mekanikun Luigi Strada, me te cilin u shperngul ne Milano . Dhurata e marteses ishte nje dyrrotak,  Ishte viti 1905.

Ne pedalimin me te  rendesishem ne Itali, ne Xhiron e Italise (Giro d’Italia)  te vitit 1924, ajo paraqitej me disa fitore jo te vogla: ishte shpallur ciklistja me e mire italiane, kishte fituar Xhiron e Lombardise, e mgjt e drejta e saj per te marre pjese vihej ende ne dyshim. E mes dyshimnajes, ne emrin e saj si pjesemarrese e gares ne Gazeten e Sportit , u harrua nje germe “a” ,  “a”-ja me e rendesishme mbase. Emri u shtyp Alfonsin Strada e vetem pak ore para gares u zbulua se behej fjale per nje femer. Vazhdimi me pas eshte nje histori e njohur per Italine e viteve 20, kur barazia gjinore tingellonte nje anektode e ku sfida ndaj meshkujve paguhej shtrenjte : Alfonsa u lejua te vazhdonte garat por kohezgjatja e pedalimit te saj nuk do te merrej parasysh.

Duke ditur kete ajo I lejoi vetes te ndalonte shpesh gjate pedalimit per te firmosur kartolina me fytyren e saj : tashme ishte shnderruar ne nje idhull te enderrimtareve e guximtareve anembane botes. Mgjt ajo numeron rreth 36 gara te fituara ndaj kolegeve te saj meshkuj dhe sot ajo eshte nje element I rendesishem I trashigimise kulturore italiane, nje element qe na sjell nder mend se e gjitha kjo qe sot kemi, eshte fryt I nje lufte te gjate njerezish te mire te cilet besuan fort se ndryshimi varet nga ne!

Kopenhagen : 6 arsye per ta dashuruar e per ta patur zili ne te njejten kohe!

Ky është nje “udhetim” drejt te ashtuquajturit “qyteti me i pershtatshem ne bote per te jetuar”, titull per te cilin dyrrotaku ka nje pjese te mire te merites. Kopenhagen : gjashte arsye per ta dashuruar e per ta patur zili ne te njejten kohe.

Vizita në Kopenhagen, qoftë si ciklist, qoftë si këmbësor, ngjason me kalimin në një tjetër realitet thuajse magjik. Për turistët evropianë ky qytet mbart dicka hipnotike I cili jo vetëm të mrekullon por edhe të nxit një ndjenjë të shëndetshme zilie. Per gjashte arsye :

1    1.       Dyrrotaku. Të pedalosh përmes qytetit është një pervojë e rralle . Qe nga lagjet Frederiksberg Ostebro apo Norrebro për te vazhduar një ndër parqet më të hershëm si Tivoli apo parku I Dyrehaven pergjatë të cilit përjetohet një ndjesi e pashpjegueshme lirie.  Terreni I rrafshët I ndihmon danezët të pedalojnë gjer ne 1.000 km në vit. Një vëmendje e vecantë shkon edhe për 400 km korsi bicikletash. Një fitore kjo, për dyrrotakun I cili mori përdorim të gjerë në vitet 70 si përgjigje ndaj krizës së naftës. Rezultati : sot numërohen mijra bicikleta, miliona më saktë. Numri I tyre është më I madh se I banorëve. Pedalojnë të rriturit, të vegjlit, të moshuarit.

     2.       Pasuria e deklaruar. Në Danimarke askush nuk u shmanget taksave. Të pasurit e bëjnë për një cështje patriotizmi, e në pot ë njëjtën mënyre u besojnë institucioneve e klasës politike në vend. Kjo e bën Danimarken një ndëe vendet më të sigurtë në botë me të ardhura mujore jo më pak se 2000 euro. Mgjs në këtë vend mund të jetohet mjaft kënaqshem edhe pa punuar, askush nuk zgjedh të mos bëjë asgjë. Ky fakt flet sa për mijra fjalë.

3.       Dëshira për të shijuar jetën. Me ardhjen e stinës së ngrohtë rrugët e Kopenhagenit gjallërohen. Pas largimit të dimrit gjatë të cilit dielli ngroh vec tre orë në ditë duke I nxitur banorët të shijojnë  restorantet dimerore dhe shtëpitë e ngrohta të mobiluara tërësisht me dru, vjen vera e cila ndez atmosferën ne natyrë. Koncerte në rrugë, tavolina të vendosura në tarraca, njerëz që shijojnë birrat Riverfront apo shëtitje parqeve.  Kjo shkon Për të gjithë ata që apriori mendojnë se danezët janë një popull I ftohtë.Perkundrazi : në stinën e nxehtë danezët janë gjithnjë të buzëqeshur.

      Ndërgjegjësimi qëndrueshmëria dhe ekologjia. Pavarësisht burimeve të pafundme te naftës Danimarka është një vend leader në energjinë e rinovueshme : një e treta e energjisë në vend përftohet prej turbinave te erës. Qytetarët konsumojnë ushqim organik më shumë se  cdo vend tjetër i Bashkimit Europian.

5.  Oraret. Duket e cuditshme por ja që danezët drekojnë ne 11 e 30 dhe darkojnë ne 18 e 30. Përvecse kjo është e lidhur ngushtësisht me dimrin e gjatë që bën atje, është ë lidhur edhe me familjen. Është tejet e vështire që një biznes të vazhdojë punen pas ores 17 e 30 : tregtaret kthehn në shtëpi për të ndenjur me familjarët. Mbase danezët nuk punojne gjatë, por jane sigurisht shumë më productivë në atë që bëjnë.

6.      

Liria dhe siguria. Në nje vend tejet të civilizuar , liria ka tjetër aromë, tjetër perceptim. Mjaft të mendosh që lagjja e Christianias, e themeluar nga nje familje e vjetër hippie në vitet 70, mban statusin e shtetit të pavarur dhe mbrohet nga një ligj I vecantë që lejon përdorimin e marihuanes. Barazia mes gjinive, është gjithashtu një tjetër element I rëndësishëm : Kopenhageni numëron numrin më te madh të grave të punësuara.

Siguria? Le të themi që nqs lë bicikletën tënde në trotuar, e largohesh, kur kthehesh, ajo është gjithnjë aty. 

ARKEOLOGJIA E AKSESOREVE TE BICIKLETES

Ekziston një pafundesi zgjedhjesh praktike ne ndihme te personalizimit te biçikletave, të trashëguara nga një shekull kulture biçikete.

Shumë elemente të cilat ishin pjesë normale në çdo biçikletë, me kalimin e kohës janë lënë në harresë. Arsyeja është e njohur. Ndërkohë që qytetet zhvilloheshin duke lehtësuar gjithmonë e më shumë transportin me automjete, biçkleta marxhinalizohej drejt përdorimit sportiv dhe atij për kënaqësi dhe jo si mjet pune. Të “çmëndurit pas peshave të lehta” eliminuan shume aksesorë me qëllim arritjen e shpejtësive të mëdha.

Me këto në mendje, kryem një kërkim për 10 elementet që përgjithësisht janë dashuruar dhe që do donim të riktheheshin në biçikletat tona tani që biçikleta rikthehet në jetët tona.

Këta janë aksesorë bazë që janë standartë në qytete me kulturë çiklizmi dhe edhe pse disa janë ende prezentë I kemi përfshirë në listë pasi shumë shtete të tjera I kanë humbur si elemente.

 Në vënd të parë kemi Grepin e Zgarës së Pasme. Një ndër detajet më të thjeshta dhe me imagjinatë. Për dekada ka shërbyer në transportimin e cantave të krahut si dhe qeseve. Nuk shikohet shpesh sot, veç nëpër katallogje biçikletash të shekullit të kaluar. Jetojnë fuqishëm në Danimarkë, ku shumë dyqane shitje biçikletash e kanë element standart të përfshirë thuajse në çdo shitje. Me shitjet në rritje të kompjuterave portabël, dikush mund të mendojë që do shërbenin mjaft mirë…







 Sigurisht, thuajse çdo biçikletë në Danimarkë dhe Hollandë apo në qytete ku çiklizmi ka peshë të lartë ka një Mbulesë Zinxhiri. Eshtë elementi më logjik pas Mbulesave të Rrotave. Stilistika e këtyre mbulesave është një temë tjetër. Eshtë vënë re një rëne interesi, por dikur cilido prodhues me rrespekt ndaj vetes përkushtohej me dashuri ndaj këtij elementi.







Biçikleta ime e vjetër kishtë një Dorezë Ngritje që e balanconte mrekullisht dhe e bënte ngritjen e saj shumë të lehtë. Shumë biçikjleta Suedeze sot e zotërojnë këtë elemen, por  për një kohë të gjatë ai ishte shtesë nevoje që përdorej në masë. Nëse trupi I biçikletës suaj nuk një dorezë të tillë që në prodhim, gjithmonë mund të shtoni një duke mos cënuar aspak pamjen e saj.






Ah, Dinamoja.  E rëndë, e çuditshme por plot magji. Pjesa më e madhe në qarkullim janë të një prodhimi mjaft të vjetër, por prodhohen ende. Një motor I vogël I vendosur pranë gomës suaj që lëshon një zhurmë të lehtë dhe ju siguron ndihmë në pedalimet tuaja në mbrëmje. Me gjasa dinamoja do të përfundojë në muzeu e biçikletës pasi prej kohësh po arrihet që dritat të funksionojnë pa nevojë fijesh pra me anë të magneteve.





 Mbrojtëset e Fustaneve kanë rezistuar dhe nuk tregojnë shënja dobësimi. Një tjetër aksesor I thjeshtë dhe efikas, nevojë për çdo pedaluese qyteti. Origjina e emrit është angleze. Në Danimarkë, quhen Mbrojtëse Palltoje, pasi palltot e gjata me copa të shtrenjta ishin norma në kohën e shpikjes së aksesorit. Mbrojtëset e thurura ishin shumë në modë në shekullin e kaluar. Elastike apo prej gome janë shumë të lira si dhe lehtësisht të gjetshme në shumë shtete. Stili I aksesorit mund të vendoset që të na përfaqësojë. Le ta kthejmë në jetë.






Këto shtesa të thjeshta prej gome për timonat tanë shërbejnë për një arsye të vetme. Mbrojnë timonin si dhe muret në të cilat mbështetet gjatë parkimit afatgjatë apo afatshkurtër. I kam parë nga afër vetëm në Itali dhe jam kurioz në cilin shtet janë ende në përdorim. Një element me rëndësi në dukje të vogël por që në kohën e mungesës së vëndparkimeve apostafat për biçikleta krijonte lehtësi dhe efekt.






…për ata që ankohen për çiklistët që dëgjojnë muzikë gjatë pedalimit apo kontrollojnë telefonin (por që nuk nervozohen njësoj kur shoferët bëjnë të njëjtën gjë), ky është një makth I vërtetë. Mbajtëset e Gazetave ishin shumë në modë në shumë shtete. Në pamje kemi dhe një modifikim të lehtë që ju lejon palosjen dhe leximin e artikullit të preferuar. Dhe duke qenë se ishte një aktivitet I zakonshëm dikur, për shkak të telasheve të mundëshme, u krijua dhe sinjalizimi rrugor I nevojshëm në zona të caktuara. Në foto, një sinjalizim I hasur në Hollandë.







Dikur e hasur gjithandej, furça e përulur e aksit tashmë jeton vetën në Kopenhagen dhe në Hollandë. Ajo qëndron aty e heshtur, duke u rrotulluar rreth aksit dhe duke mabjtur aksin të pastër nga grasoja dhe papastërtitë e tjera.










Dikur, elementi që tërhiqte pjesën më të madhe të vëmëndjes dhe krijonte garën kryesore midis prodhuesve. Stampat Ballore. Numërohen me mijëra në këto 125 vite të fundit dhe pjesa më e madhe janë totalisht të adhurueshme. Cilido prodhues me peshë kishte disa logo historike dhe ato bëheshin stampat ballore që do adhurohen për dekada të tëra.

Zilet janë ende në qarkullim dhe nuk tregojnë shënja dobësimi. Shumë prej nesh duan stilet e vjetra të zileve pasi ato mbartin krenarinë dhe aftësinë e artizanalitetit të prodhuesit. Një pjesë preferojnë numrat e pafundme të zileve të prodhuara në Kinë çdo ditë. E mira është që tregu jep alternativë për cilindo sot. Për fat të keq një pjesë mjaft e vogël janë të prodhuara tërësisht prej metali për të lëshuar atë tingull kërkues dhe të këndshëm.

Kjo është 10-shja jonë. Kemi harruar ndonjë?- ЄК
 

Fuqizo pedalimin tend!

Biçikleta me fenerë të integruar, sistem anti-vjedhje dhe karakteristika të tjera të ngjashme me automjetet, janë duke e bërë biçikletën më të sigurt-dhe një kënaqësi më të madhe, (për disa J). Një përshkrim i 3 bicikletave më inovative Stromer ST2, Trek Lync dhe Denny!

Bicikletat, te cilat nuk i nderrojne marshet automatikisht, nje dite, do te duken si makina loder. Dhe te ndertosh nje model te tille pa nje sistem ndricimi, do ishte nje cmenduri e vertete; thua se po nget makinen ne erresire te plote. Por ja qe e ardhmja eshte shume me prane nga se e mendoni. Baterite qe e bejne te mundur kete permiresim jane bere gjithnje e me te lehta, me te vogla, e me te qendrueshme, duke ndihmuar keshtu ndertuesit e bicikletave te projektojne modele te pajisura me elemente te ngjashem me automobilat. Kjo permireson jo vetem sigurine por edhe performancen. Synimi nuk eshte vetem perkedhelja e te apasionuarve por edhe nxitja ndaj skeptikeve per te bere pjese te perditshemerise se tyre, dy rrotat.

The High-Performance Hybrid | Stromer ST2 (6990 USD) NJE MODEL ELEKTRIK me "kombesi" zviceriane por i gatshem per t'u bere pjese e transportit mbi dy rrota ne mbare boten. E pajisur me nje boost mood qe jep fuqi pedaluese deri ne 30 km/h si dhe me nje sistem qe ushqen baterine ne itineraret kodrinore.

Ekrani Touch ju jep mundesine te permiresoni performancen si dhe te bllokoni rroten e pasme per te parandaluar vjedhjen. Nese kjo e fundit ndodh ju vjen ne ndihme GPS,pasi Stromeri mund te pikaset permes rrjetit tuaj celular (pak a shume si Bluetooth) ASHTU SIKURSE MUND ta kycni e ckycni permes smartphone-t tuaj.

CEO i Stromerit ve ne dukje rendesine e pajisjes se dyrrotakut me elemente te tille. 'Ne SHBA njerezit i kane zevendesuar kater rrotat me dy te tilla-vazhdoi ai- e ne Evrope kjo mendohet te ndodhe ne harkun kohor te pese viteve"

The Everyman Ride | Trek Lync (1320 USD)  NJE MODEL i ndertuar paster me sistemin e ndricimit LED te integruar ne pjesen e parme te bicikletes. sISTEMI I BATERIVE- ME PERMASAT E NJE iPHONE, ndodhet brenda skeletit te dyrrotakut.

"Disa vite me pare nje sistem i tille ndricimi, do te ishte i pamundur per shkak te kostos se kripur" u shpreh menaxheri i Trek-ut.

The Next-Gen Auto Bike | The Fuji Denny Nderkohe Fuji po punon per te debutuar veren e ardhme ne treg me nje model i cili do te jete ne gjendje t'a zevendesoje plotesisht automobilin : modeli Denny . Modeli, fitues i Oregon Manifest Bike-Design Project, ka qasje jo te vogla me automobilin : sistem anti-vjedhje , sistem ndricimi, bateri te cilat lehtesojne pedalimin, mundesine per te perdorur sinjalet etj.

Biçikleta Inovative Miilo ‘Rritet’ së bashku me fëmijën.

Fëmijët rriten shpejt, ndonjëherë shumë shpejt

Vetëm pas disa muajsh, rrobat nuk u bëjnë më, këpucët janë të ngushta dhe biçikletat u rrinë të vogla.

Me kujdesin ndaj shpenzimeve familjare në mëndje, Andreas Bhend, një projektues nga Zvicra erdhi me idenë ekonomike: një biçikletë prej druri dhe alumini e cila “rritet” me fëmijën duke evituar kështu këmbimin me një apo dhe blerjen e një mjeti më të madh.

Miilo, një biçikletë e kompletuar me të gjitha pajimet e nevojshme, jo vetëm shërben vogëlushëve e vogëlusheve për argëtim, por edhe I shoqëron ata përgjatë fëmijërisë së tyre, faktor I rëndësishëm ky në moshat e vogla.

Me një mekanizëm inovativ të vendosur në trup, ai ndryshon gjatë kohës që vogëlushët rriten.

Normalisht timoni dhe shala e këtij mjeti janë të zhvendosëshme për një përputhje me nevojat e trupit të fëmijës.

Biçikleta është e përshtatshme për fëmijët e moshës 2 vjeç dhe mund të modifikohet që të përdoret nga ata deri dhe 7 vjeç.

Me ndihmën e një sistemi balancimi, Miilo eviton nevojën e rrotave ndihmëse dhe e bën më të lehtë proçesin e të mësuarit të biçikletës.

Biçikleta ndryshon me një ndryshim të vogël në trupin prej druri; çmontojeni, rrotullojeni dhe rivendoseni në pozicion mbyllje.

Me Millo, fëmija nuk do humbasi shoqëruesin et tij besnik në pedalim dhe prindërit nuk do kenë nevojë të zëvëndësojnë shpesh lodrën më të preferuar të fëmijës së tyre.

Videoja në vijim, na tregon mbi funksionimin e saktë të konceptit.  - ЄК

18 Tregues që ti jeton në një qytet me kulturë çiklizmi

18 Tregues që ti jeton në një qytet me kulturë çiklizmi 

E pregatitëm. I thjeshtë, I përpiktë dhe I saktë… udhëzuesi që dëshmon për rëndësinë dhe peshën e biçikletës në qytetin ku ti jeton.

1. Nuk e ke problem të pedalosh me “marsh fiks” ndërkohë që je në kërkim të një riparuesi që të marri përsipër sistemin tënd të ndrimit të marsheve që ka hequr dorë momentalisht.

2. Nëse një makinë në trafik I bie borisë, zakonisht I jep rëndësi minimale. Në fakt të kujton që ka kaluar mjaft kohë që ske vizituar kopshtin zoologjik me vogëlushët e tu për të ushqyer patat….mbase të Djelën do ishte perfekte?

3. Nuk të duket çudi të pedalosh në 35C me një 4vjeçar të siguruar në ndënjësen pas teje, dy trasta plot me pazaret e kuzhinës në koshin e përparmë ose të varura në doreza, ndërkohë që po diskuton me partnerin në telefon me kufje për mbrëmjen që do organizoni me miqtë… duke mos harruar të informosh pedaluesit turistë në qytetin tënd për pika interesi dhe kurioziteti që mund të vizitojnë.

4. Kur e ndjen që po mbinxehesh gjatë pedalimit për në punë… pedalon më ngadalë. Dhe nëse parashikimi I motit flet për një mot të nxehtë për nesër, planifikon për një nisje pak më të hershme për në punë që të mos djersish gjatë një pedalimi të shepjtë të mëngjesit.

5. I vetmi rast që shikon Lycra apo Spandex janë disa regjistrime të vjetra seancash stërvitore në emisione mëngjesi ose mbi vrapuesa në park.

6. …në vijim të arsyes pararendëse, emri GoreTex të jep përshtypjen të një lojtari të SpVgg Unterhaching të Mynihut.

7. Kur diçka nuk shkon mire me biçikletën tënde dhe e ke lënë në servis, merr të dytën që ken ë shtëpi për të shkuar në punë, ose atobuzin. Edhe pse makinën e ke të parkuar përpara shtëpisë.

8. Shumë çiklistë rreth teje vendosin helmeta dhe asnjë prej tyre nuk e neglizhon vendosjen e saj mbi kokën e ndonjë vogëlushi apo vogulusheje që pedalon përkrahë apo mbartet në ndënjëse të posaçme.

9. Më I çuditshmi në grupin tënd të miqësisë është ai I cili nuk ka është rrëzuar asnjëherë nga biçikleta… Të gjithë e shikojnë me dyshim dhe e kontrollojnë për dëmtime që mund të mos tregojë. 

10. Minimalisht 3 herë në javë ndryshon atë që ke veshur pasi nuk shkon me biçikletën tënde.

11. Bisedon çdo javë me miqtë apo kolegët e tu çdo javë për servise biçikletash të reja që ofrojnë çmime apo shërbim më të mire dhe paralajmëroni për ato të cilat kanë mangësi në shërbim apo çmime të larta.

12. Kur shikon dikë me pantallonat brënda çorapeve, mendon “…a I ka folur vallë dikush për lidhëset e pantallonave?”. Madje matesh 3 herë të pedalosh deri sa ta arrish dhe ti thuash ku shiten dhe sa kushtojnë.

13. Nuk e di që jeton brënda kulturës së biçikletave dhe nuk e përdor si shprehje. Ti thjesht pedalon.

14. Koha e qëndrimit në pritje të semaforit shpenzohet më së miri në vëzhgim të zgjedhjeve stilistike të çiklistëve rreth teje. Këpucë, çanta, syze madje deri dhe çadra apo dhe mbulesa shiu. Mundësitë janë të pafundme.

15. E gjithë garderoba jote mund të klasifikohet si “e përshtatshme për pedalim”, duke përfshirë takat 12cm të blera përpara 2 javësh si dhe palltoja dopiopetë që do i dhurosh motrës për ditëlindje në Dhjetor.

16. Kur një shofer i marrë të pret rrugën keq, i hedh një vështrim të akullt, shkund pak kokën me keqardhje... dhe e harron komplet situatën pas 50 metrave pedalim.

17. Një sasi e vogël ndryshku mbi biçilketë të duket estetike sepse të flet për përdorim dhe jetë. Biçikletat e reja fringo të japin iden e diçkaje plasike pa jetë.

18. Të duhen mbi 15 minuta për të gjetur biçikletën tënde në parkimin e fakultetit nëse ishe me nxitim kur e parkove dhe nuk e kishe mendjen aty.

                                                                                                                                                          - ЄК

Shqiperia! Det dhe Biçikleta!

Shqiperia! Det dhe Biçikleta!

E keni parasysh ate radhen e madhe me makina para tunelit ne Vlore?
Kur mallkon veten pushimet diellin vapen? Shmange! Si? Simonetta Bike and Tuors ne fakt e sugjeron pedalimin turistik per te huajt por une them se, keshillen e saj, mund t’a ndjekim edhe ne vete. Ne qe pretendojme se e njohim vendin tone e ne fakt e njohim fare pak Ne qe mendojme se e kemi pershkuar Jugun, por ne fakt rralle here e kemi ndjere eren e bregut ne fytyre…

Jo me larg se para disa ditesh shkruajtem gjere e gjate per turizmin, per zemren e madhe ( qe shpesh rezulton te jete nje thike me dy presa) per “te jashtmit” qe na kane zgjedhur e per pergjegjesine qe kemi per t’u treguar se ne jemi ne lartesine e duhur te zgjedhjes se tyre. Deshmi e vizionit tone eshte pikerisht kjo oferte e bukur nga Simonetta Bike and Tours. Simonetta, kjo zonje e nderuar, bashkeshorte dhe nene e dy djemve, pas vitesh pune me organizata te ndryshme qe kane ne qender mjetin ekologjik, vendosi te themeloje kete ‘ndermarrje’ e cila vepron nen sloganin “Aventure mby dyrrotak, per turiste kureshtare”

Oferta qe perfshin Shqiperine, e nis rrugetimin ne Fier, prane Apollonise antike, per te vazhduar me Narten, Vloren, Llogarane, perlat e Jugut gjer ne Butrintin e bukur. Deti I kalter e I kthjellet, fshatrat e vjeter, ku dallohen tek-tuk zoterinj mjekerbardhe qe gjerbin kafe’ e luajne tavell, ullishtet qe alternohen me pyje me bredha, apo peisazhe ku lisat kryelarte tregojne qiellin. Natyra e thyer propozon male te ashper, tarraca te kultivuara, kodrina te buta, copeza toke ku here mbizoteron grija e here e kuqja, si dhe kanione te perftuara nga gerryerja e lumenjve. Pas eksplorimit te bregut, pedalimi vazhdon ne dy qytete historike, trashigimi te Unesco-s :Gjirokastra e Berati si dhe me nje rafting te mrekullueshem ne lumin Osum, rafting I preferuar mjaft nga turistet evropiane. Shqiperia pelqehet dhe josh, jo vetem per natyren, detin, ao peisazhet por edhe per atmosferen dehese qe te shpon hundet, per njerezit buzagaz, te bute e mikprites qe ndesh aty, si dhe per krenarine me te cilen ata jetojne jeten e tyre te thjeshte. Kjo eshte pak a shume didaskalia qe shoqeron udhetimin ne Shqiperine tone te dashur, didaskali e cila, me duket mua, frymezon jo vetem turistet, por edhe vete ne. Dyrrotaku ehte gjithmone alternative me e mire.

Biçikleta në ndihmë të bizneseve të vogla!

Biçikleta në ndihmë të bizneseve të vogla!

Studimet më të fundit dëshmojnë se biçikleta luan një rol kyç në zhvillimin e bizneseve lokale, ndryshe bizneset e vogla. Rasti me i fundit është në “Magnolia Street”.

Në vitin 2008, kjo rrugë ishte vetëm për makina. Rruga kishte dy korsi në çdo drejtim, dy prej të cilave përdoreshin kryesisht nga makina, plus disa çiklistëve guximtarë.

Në 2009 u rikonstruktua me 4 korsi, 2 për makina dhe 2 për bicikleta. U kthye në një rrugë ne dietë për makinat dhe ishte një sukses i vërtetë – shprehet Kevin Buchanan, një muzikant lokal dhe banor i lagjes.

Suksesi i këtij riorganizimi të rrugës ishte korsia e bicikletës, menjëherë të ardhurat e restoranteve përgjatë rrugës u rritën në një total prej 179 %.

"Kjo nuk ishte rastesi," shton Buchanan, "duke hequr 1 korsi makinash dhe zëvendësimi i tyre me 1 korsi për biçikleta pati efekte mahnitëse për bizneset. Natyrisht një rrugë më e sigurt, me lëvizje më të ngadaltë dhe mjedis më të mirë për çiklistët/ndihmoi biznesin. "

Përpjekjet për të rigjallëruar rrugën e makinave çuan në shtimin e parkimeve të reja. Kështu në mes të komunitetit u ngrit një parking me plot 320 vënde makinash; ndërkohë që vetë bizneset lokale morën menjëherë masa, duke siguruar parking për rreth 160 biçikleta.

Kostoja totale për parkingun ishte mbi 5 milionë dollarë. Ndërsa totali për blerjen dhe instalimin e parkimeve të biçikletave ishte vetëm $ 12,000 më pak se kostoja e një hapësire të vetme parkimi për makinën.

Në vitin 2012 kthehemi sërish në rrugën “Magnolia”, garazhdi ishte pothuajse bosh, ndërsa vendparkimet e biçikletave para restoranteeve dhe bareve të lagjes i gjejmë të tejmbushura. Shumë bar- kafe buzë rruge, kanë nevojë për akoma më shumë vende parkimi për bicikletat, dikush tek tuk kishte hapur vend dhe brenda lokalit për të akomoduar bicikletat e shumta. Hapësirat në lagjen tonë ishin dyfishuar dhe kjo ishte fitore e madhe për tërë komunitetin.

Nga të gjitha drejtimet, ky  përmirësime ishte një investim i shkëlqyer. Tashmë të gjitha rrugët e tjera të kësaj lagje kishin në plan të zhvillonin të njëjtin projekt për akomodimin e bicikletave.  

Rasti i kësaj rruge tregon, se përmirësime specifike për ti bërë rrugët më miqësore për bicikletat kthehet në një mrekulli për bizneset e lagjes. Pronarët e bizneseve tashmë janë më të interesuar se kurrë për këtë ndërhyrje të domosdoshme.

Pjesë e këtij përfitimi vjen dhe nga fakti i thjeshtë se bicikletat dhe korsitë e biçikletave kanë një efekt qetësues në trafikun e makinave. Kur trafiku në rrugët e qytetit ulet sadopak, edhe në qoftë se numri i makinave është i njëjtë, rrugët bëhen gjithsesi më të qeta dhe më të këndshme për të lëvizur. Më shumë njerëz lëvizin të sigurt qoftë duke ecur dhe pedaluar. 

Në këtë mënyrë rritet niveli dhe cilësia e jetesës në komunitet, rriten investimet lokale, dendësia e bizneseve  dhe vlerat e pronave. Ka më pak aksidente, më shumë siguri për fëmijët.  Këto janë të gjitha të matshme dhe të vërtetuara nga eksperienca e qindra komuniteteve që e kanë përqafuar këtë ndryshim. Përveç bizneseve edhte një shpëtim dhe  për vetë banorët.

Por kur korsitë e biçikletave, parkimet e biçikletave dhe “dietat” rrugore për makinat hasin kundërshitimin e bizneseve lokaleve dhe pushtetit lokal ky zhvillim bëhet i pamundur, duke sjell kundërshti, vështirësi dhe në ato rrugë ku ka vërtet fluks të lëvizjes me bicikleta. Kjo ndodh shpesh se pronarët apo biznesmenët janë skeptic në faktin se ata që lëvizin me bicikleta do të shpenzojnë para në bizneset e tyre.

Një rast i ngjashëm për shembull ndodhi në “Polk” Street në San Francisko, ku një plan për të bërë një korsi për biçikleta u luftua më shumë nga tregtarët lokalë, pasi do të reduktonte vendparkimet e bicikletave. 

Një gjë të ngjashme vërejmë edhe në Tiranë. Mungesa e parkimit, pluhuri dhe zhurmat e makinave nuk na krijojnë asnjëherë mundësinë të ulemi të qetë të shijojmë kafen buzë rrugës. Të gjithë ata që kanë makina pazarin e kryejnë më lehtë pranë Qendrave Tregtare jashte Tirane ku kanë të siguruar dhe parkingun, duke çuar drejt falimentimit bizneset e vogla të lagjeve. Parkimet gjithashtu zënë pothuajse të gjitha hapësirat brenda lagjeve, shpesh dhe trotuaret duke e bërë tërësisht të pakëndshme një shëtitje rreth e rrotull lagjes. Asnjë biznes, restorant apo bar-kafe nuk mund të sigurojë më shumë se 2-3 vënde parkimi për makinat, duke reduktuar ndieshëm klientët. Janë të shumta arsyet që komuniteti dhe biznesi duhet të mbështesin korsitë e biçikletave, por mbi të gjitha duhet mbështetur revolucioni i biçikletave që tashmë ka filluar. #LiroKorsite