Po ndodh në Londrën e mbretëreshës! Kryetari Bashkisë propozon; E shtuna pushim per makinat!

Po ndodh në Londrën e mbretëreshës! Kryetari Bashkisë propozon; E shtuna pushim per makinat!

Boris Johnson ka vendosur të lehtësojë trafikun që ka pushtuar rrugët e qytetit, përmes një nisme që synon të ndalojë qarkullimin e makinave për të paktën një ditë në jave, të shtunën!

Parashikimi për trafikun nuk duket të jetë edhe aq joshës : sipas RAC mendohet se brënda 20 vitesh, Mbretëria e Bashkuar do të numerojë 7 milionë shoferë të rinj. Përballë kësaj situate Boris Johnson, avokat dhe ciklist I apasionuar, po mendon seriozisht mbi mundësinë e ndalim qarkullimit të makinave, ne Londër gjatë ditës së diel.

Duke ndjekur shembullin e Xhakartës, ku kjo ndalesë nis në oren 18:00 cdo të diel, Johnson thotë se kjo është krejtësisht e mundur në një vend si Londra : qytet ky, I cili vec vitin e fundit e ka ulur maksimumin e shpejtësisë për makinat ne 32km/ore e vazhdon të investojë në infrastrukturën dedikuar dyrrotakut me segmente të reja ciklistike.

Ndërkaq qeveria britanike pret të investoje rreth 15 bilion paund në rrugë të reja, 214 milionë nga të cilat, për të promovuar ciklizmin urban!

Kemi vetëm një shans për të bërë revolucionin e biçikletave!

Ndryshimi i vërtetë në lëvizshmëri do guxim, por mbi të gjitha një plan dhe një financim.  Është koha të heqim pengesat për një brez të tërë çiklistësh dhe mbi të gjitha për fëmijët të cilët nuk kanë kurkund një vënd për të mësuar dhe pedaluar biçikletën.

Kjo do të thotë një qytet ku hapësirat e biçikletës nuk janë më pak se vëndet e tjera europiane, një ambicie e qartë politike për të ndryshuar mënyrën e lëvizjes në qytet. Kush nuk do të donte që fëmijët e tyre të jetonin në një vend si Hollanda apo Danimarka, të rriteshin shëndetshëm dhe të sigurt në një qytet ku jetohet e jo mbijetohet?

Në një qytet si Tirana ku perimetri i brendshëm i punëve dhe i lëvizjes nuk i kalon 3-5 km është dëm i madh mjedisor, shëndetësor dhe ekonomik të sorrollatesh me makinë. Brezi i sotshëm mund të jetë ndoshta dhe i pari mbas shumë dekadash që të ketë jetëgjatësi më të shkurtër se prindërit  e tyre, për shkak të mungesës së aktivitetit fizik dhe cilësisë të dobët të mjedisit dhe jetesës në qytetet Shqiptare.

Kjo nuk është vetëm një e keqe për qytetarët, por mbi të gjitha për ekonominë. Të jesh më pro mjedisor sot do të thotë të jesh dhe më i thjeshtë, të lëvizësh më shumë me këmbë a biçikletë sesa me makinë, të përdorësh më shumë burimet falas të energjisë si diellin që ne e kemi me shumicë sesa të paguash faturat e kripura të energjisë pa fashë.

Të gjitha sëmundjet që shoqërojnë ndotjen e ajrit, mungesën e aktivitetit fizik dhe cilësinë e dobët të  jetesës në qytetet tona, na kushtojnë disa vite jetë, miliarda para në sistemin shëndetësor që për dreq as nuk e kemi apo medikamente që mund ti evitonim. Të gjithë e dimë cdo të thotë të rrisësh një fëmijë në Tiranë. Asmat, bllokimet e vazhdueshme, frymëmarrja e tmerrshme që si rrallë në qytete të tjera na lë zgjuar me nafazolinën në dorë. Për të mos përmendur një qytet aspak të njerëzve sesa të makinave, me fëmijët mbyllur në shtëpi apo apartamente lojërash.

Qartaz kjo nuk është një thirrje për të bërë aktivitet fizik,as për të ngrënë më pak, për të ndërruar filtrat e makinës apo për të zgjedhur naftën më të mirë. Zgjidhjet afatshkurtra, pa vizion, sajuar për ata pak qytetarë apatik  janë thellimi i gropës ku jemi futur. Zgjidhja është para syve tanë e shohim dhe e ëndërrojmë sa herë dalim nga gropa.

Zgjidhja e tërë qyteteve të qëndrueshme, miqësore ndaj mjedisit dhe qytetarëve të vetë është te lëvizshmëria!  Në Hollandë, Danimarkë, Zvicër ku 30-40 % e lëvizjeve brenda qytetit kryhen me bicikletë, 50 % e fëmijëve shkojnë në shkolla mbi bicikletë, nuk janë duke ushtruar thjesht aktivitet fizik, por kanë revolucionizuar tashmë lëvizshmërinë, ekonominë, jetën sociale dhe mjedisin e qyteteve të tyre.

Pyet një prind sot; “A do e donte këtë për fëmijët e tij?”, Do të thotë jo? Ti do të thoje jo? Do të votoje JO, do të paguaje për të? Apo jo?

Është e vërtetë se financat janë shtrënguar por ajo që po kërkojmë është vetëm një pjesë e vogël e fondit prej 40.39 miliardë Lekë të rrugëve, në korsi bicikletash të cilat e kanë dëshmuar se na kthejnë mbrapsht më të mirën e një investimi, cilësi jetese, qytete të qëndrueshme, afërsi me ëndrrën europiane. Studimet e të gjitha qeverive europiane kanë konfirmuar se investimi në korsitë e bicikletave ka një raport unik; JEP 1 MERR 5!!! Kush formë tjetër e transportit të jep këtë lloj shpagimi???

Biçikleta është e vetmja formë e transportit të mekanizuar që siguron fitim neto për shoqërinë tonë! Ne jemi i vetmi shtet në rajon që nuk kemi një plan dhe as nuk e kemi në plan planin. Me gjithë përfitimet ekonomike, shoqërore dhe mjedisore të bicikletës, politikanët tanë janë të parët që japin shembullin e rëndomë të kapardisjes nëpër makina! Ndonëse revolucioni i makinave ka përfunduar prej dekadash, akoma lexojmë cmendurira per Benzin 7000-sh te njerit e 5000 te tjetrit.

Në 25 vite nuk kemi parë e dëgjuar një politikë a një politikan të flasi për lëvizshmërinë, për qytetet e qëndrueshme, aq më pak të planifikojnë fonde për të realizuar revolucionin e domosdoshëm të biçikletave! Nëse vetë qeveria fle mbi makina c’duhet të presim nga pushteti lokal?

Dhe unë kam një makinë dhe nuk jam fanatik i biçikletës, por jam pro logjikës dhe fakteve se mënyra se si ne zgjedhim të lëvizimi është shërimi i një qyteti të “sëmurë”, që po rrit breza po aq të sëmurë! Sado dramatike mund të tingëllojë kjo, unë  besoj se ne kemi forcën për të ndryshuar tani këtë zhvillim anormal, që nesër të ndihemi krenar para fëmijëve tanë!

B si Biçikleta! Libri plot vizatime dhe udhetime me bicikleta!

"B si Biçikleta ": libri më i veçantë për fëmijët!

B-ja është për biçikletat!

Dy qentë dhe një biçikletë janë yjet e këtij libri mjaft interesant për fëmijët i cili përmes shkronjave të alfabetit ka qëllim promovimin e bicikletës te fëmijët.

Libri plot vizatime dhe udhëtime me bicikleta i fton fëmijët në disa aventura mbi bicikletë. Një udhëtim i ri për çdo shkronje të alfabetit, kombinuar mes dy personazheve dhe bicikletës së tyre.

Përgjegjësit e këtij projekti janë pronarët e një dyqani bicikletash, të cilët donin ti dhuronin fëmijës së tyre një libër që kishte bicikletën si protagonist.  Dy qentë protagonist të këtij libri janë gjithashtu kafshët  më të dashura për pronarin e dyqanit dhe inisiatorin e këtij projekti.

“B si biçikleta”

"Ne duam të tregojmë përfitimet e mëdha të çiklizmit: shëndetin, lirinë, pavarësinë, vetë-mbështetjen, besimin dhe respektin për mjedisin", shpjegojnë botuesit e këtij libri të rrallë. "Ne duam që prindërit dhe fëmijët bashkë të bien në dashuri me këto karaktere dhe ta vlerësojmë si duhet këtë mjet të jashtëzakonshëm të lëvizjes.

Por më shumë se një mjet transporti, biçikletën e shohim si një mënyrë tejet të shëndetshme të jetesës që promovon ushtrim fizik (pasi obeziteti te fëmijët në SHBA është trefishuar në tri dekadat e fundit), aktivitet fizik i domosdoshëm në shoqërinë e sotshme,  ku teknologjia duket se i ka marrë të gjithë kohën fëmijëve duke i lënë pak mundësi për bicikletën.

Pedalet në kohë të vështira ???

Pedalet në kohë të vështira???

Kriza e naftës më1973,  së bashku me çështjet e shëndetit dhe të sigurisë çoi vende si Hollanda dhe Danimarka drejt biçikletës. Situata e tanishme ekonomike është një mundësi e mirë edhe për Shqipërinë! 

Në fund të fundit, makinat nuk janë më moderne. Nuk janë më trend. Të gjithë fëmijët nën 35 vjeç në Shtetet e Bashkuara edhe në Evropë nuk ndihen më aq të hipnotizuar nga katër rrotat saprindërit e tyre. Kriza, e cila pengon blerjen dhe mirëmbajtjen e automjetit;Çmimi i naftës dhe benzinës,  mbipopullimit të qyteteve janë disa nga arsyet për këtë rënie. Kjo nuk është hera e parë që ndodh: Kultura masive e bicikletave filluar në vitet 70 në Evropën Qendrore e zbehu ndieshëm “seks appeal “ e makinave!

"Këtu nuk jemi në Hollandë," shprehen shumica e skpetikëve kur flitet për lëvizshmërinë. Normal pasi flasim për një vend që mendon dhe jeton mbi biçikletë. Mendësia hollandeze është një nga lojtarët e fortë në arenën globale. Suksesi i dy rrotakut aty sigurisht nuk është në dorë të fatit, apo thjesht sajë ndërgjegjësimit dhe edukimit mjedisor, por një vendim politik dhe shoqëror në kohë krize.

"Sot i fituar është ai që është më pak i varur nga nafta dhe burimet e energjisë të cilat nuk i kontrrollojmë dot”

Me shtimin e përdorimit të makinave në vitet 70 filluan dhe problemet e para. Aksidentet dhe ndotja ishin më të prekshmet. Fëmijët ishin më të prekurit nga ky ndryshim, vecanërisht në qytete. Kjo solli protesta masive në Hollandë, të cilët kërkonin siguri më të madhe për fëmijët. Aktualisht dhe pse siguria e ciklistëve në shumë shtete, përdorimi intensive i automjeteve gjeneron problem të panumërta urbane dhe mjedisore. Stresi apo ndotja e ajrit shkakton 400.000 vdekje të parakohshme në vit në Bashkimin Evropian, sipas Organizatës Botërore të Shëndetësisë.

Masat e para për të promovuar çiklizmin si një element që përmirëson cilësinë e jetës, filluan në Hagë në 1975, duke financuar korsitë e para të ndara për biçikletat. Udhëtimet me biçikleta në këto qytete u rrit me 60 - 75%!

Studimet më të fundit të tregut, kanë evidentuar shqetësimet e kompanive të automobilave në alarmin e tyre se mund të humbasin një brez të tërë përdoruesish. Vitet shtatëdhjetë të reagimit holandez, u përjetuan ngjashëm edhe në në vende të tjera. "Në Danimarkë, biçikleta është gjithashtu tërësisht e strukturuar.

Edhe pse revolucion model hollandez ndodhi dyzet vjet më parë, të mirat e tij qytetarët i jetojnë qartazi sot: në rrugët e Amsterdamit ose Kopenhagenit dominojnë pedalet dhe shembulli i tyre ka ndikuar shumë në pjesën tjetër të Evropës. Prandaj interesi dhe presioni i kompanive të automobilave është në kulmin e tij kudo në evropë.

"Ndërsa çmimet e naftës rritet, prodhuesit e biçikletave do të
përfitojnë", thotë një aksionar i Merida Industry, prodhuesi i dytë më i madh i biçikletave në botë. Fjalët e tij u vërtetuan edhe në Itali: vitin e kaluar 1.750.000 biçikleta janë shitur, më shumë se dy mijë makina. Shitjet e automjeteve kanë rënë ngjashëm si në 1963. Shumë përdorues të metrosë dhe autobusave tashmë kanë  kaluar te biçikleta!

Është fakt se perceptimi dhe vlerësimi i biçikletës ka ndryshuar ndieshëm, bazuar kryesisht në efikasitetin dhe kursimin. Shkaku është i njëjtë me atë të katër dekadave më parë:  kriza ekonomike, presioni shoqëror dhe mbështetja politike. Këta tre faktorë kanë qenë baza e kulturës së bicikletës në Evropë. Tani edhe Shqipëria ka një shans të mirë për të krijuar kulturën e saj të qyteteve të qëndrueshme, duke sjellë modelin e duhur në rrugët e qyteteve tona!!!

Fluturojne gjobat ne Londer!

Fushata me e fundit ne Londer e quajtur “Rruge te sigurta” me qëllim përmirësimin e sigurisë rrugore mes çiklistëve dhe shoferëve në Londër, ka arritur ne 1 milion euro gjoba nga 2013.

Pas vdekjes tragjike të gjashtë çiklistëve në nëntor të vitit të kaluar, autoritetet e Londrës vendosen që të rrisin numrin e punonjësve të policisë (2500 në 170 kryqëzimet) dhe të aplikojnë sanksione më të ashpra për ata që thyejne rregullat e trafikut .

Shkelja e nje semafori, pedalimi ne trotuar ,kane qenë “veprat penale” me te perseritura nga çiklistët.

Nje ciklist eshte penalizuar me 60 £ (rreth 75 euro)! Brenda 2 viteve gjobat kryesisht te ciklisteve por edhe vrapuesve kane arritur ne 789.300 £.

Në total, 996,000 € gjoba!!!

Në 2013, numri i gjobave ndaj ciklisteve arriti në 15.786, më shumë se dyfishi qe ishin ne vitin 2012. Por vetëm në shtatë muajt e parë të vitit 2014,  5851 cikliste dhe vrapues janë gjobitur. Shifrat kane ngjallur dyshim per qellimin e vertete te ketij operacioni I cili kishte filluar për të mbrojtur perdoruesit e bicikletave, tani duket se ka dështuar.

"Kjo nuk është për të ndëshkuar apo ndjekur penalisht çiklistët, por për të rritur ndërgjegjësimin në lidhje me zbatimin e ligjit," tha Robert Revill, agjent i Shërbimit Policor Metropolitan për Londër.

Klasat e biçikletave per femije dhe te rritur!

Departamenti i Mjedisit në Murcia të Spanjës është bërë i famshëm kohët e fundit në nismën e tij për të hapur klasat e bicikletave.

Instruktorë të vërtetë shërbejnë në këto klasa duke i mësuar teorinë dhe praktikën e bicikletës të vegjëlve. Në fund të kursit fëmijët marrin një çertifikatë (tip patente). Klasa e bicikletave lindi si një ide për të kontribuar aktivisht në standardizimin dhe integrimin e plotë të biçikletave si mjet transporti.  

Qëllimi është për të plotësuar nevojat e një grupi gjithmonë e më të madh të njerëzve që duan të përdorin biçikletën si mjet të rregullt të transportit dhe për të inkurajuar përdorimin e saj, duke përdorur të gjitha entuziazmin dhe eksperiencën e njerëzve të kualifikuar.

Krijuesit e klasave te bicikletave deri tashme kane mesuar mbi 300 njerëz sidomos të rritur, por edhe fëmijë.

Një Kamper enkas për çiklistat!

Kush nuk do të dëshironte disa ditë larg zhurmës dhe rrëmujës me bicikletën e tij dhe nga pas një shtëpi me 2 rrota?

Ky super karavan është tepër i lehtë pasi është projektuar enkas të tërhiqet me bicikletë. Në të mund të flenë komodë dy të rritur dhe një fëmijë, me një vëllim magazinimi prej plot 300 litrash.

Por jo vetëm kaq: në vënde të hapura karavani mund të shëndrrohet në një shtrrat duke siguruar një hapësirë shumë më të rehatshme se tenda. Karavani peshon 40 kg gjithses, është i pajisur me dritare të vogla dhe ka një panel diellor lart për karikimin e pajisjeve elektronike.

Edhe pse është ende një prototip, Kamperi do të jetë në shitje në 2015 me me çmimin përfundimtar 2500 USD!

Zyrihu i dyti pas Amsterdamit në "levizjen" ekologjike!

Zyrihu  është qyteti i dytë pas Amsterdamit, i cili po kthehet në një shembull të shkëlqyer per qarkullimin rrugor ekologjik e miqësor. Ishte dekreti “the great comprromise’ i vitit 1990 ai që kufizoi numrin e automobilëve, duke i dhënë një tjetër fytyrë  infrastrukturës ciklistike, hapësirave të dedikuara këmbësirëve si dhe transportit public në përgithësi.

Një politikë kjo tejet e vyer e cila u jep mundësinë qytetarëve të qarkullojë në rrugët e qytetit të tyre qetësisht e kendshëm. Kjo jo vetëm për shkak të sensorëve ( plot 4500) të cilët kontrollojnë numrin e automobilave, por edhe për sistemin e transportit rrugor (trena, autobusa e tramvaj) system ky, I cili i mbulon më së miri nevojat e qytetarëve.

Rritja e numrit të hapësirave të gjelbra për këmbësorë, si dhe infrastruktura dedikuar dyrrotakut, ka bërë qe numri i përdoruesve të këtij të fundit, të rritet ndjeshëm.

Ky model i planifikimit urban është i këshillueshëm , për të gjithë ato qytete që duan të ecin para me motin “ Aty ku mirëpresim njerëzit, nuk mirëpresim makinat”

Qyteti i dorezohet makinave!

Ky ilustrim i shkëlqyer na tregon se sa hapësirë publike i kemi dorëzuar makinave!

Shumica e rrugëve në SHBA por edhe në Shqipëri janë ndërtuar për makinat dhe jo për këmbësorët. Disa janë të kënaqur me këtë situatë, ashtu siç ka dhe shumë të tjerë që janë të pakënaqur  por e rëndësishme është se të gjithë jemi të vetëdijshëm se sa hapësirë i kemi dhënë makinave, për pasojë dhe ndotjes.

Ky ilustrim, nga Claes Tingvall, specialist i Administratës Rrugore Suedeze, tregon se sa ekstreme është   situata në të vërtetë. Kjo vlen edhe për bizneset lokale të vogla të cilat janë projektuar për këmbësorët.  

Duke përshkruar rrugët dhe kryqëzimet si hendeqe, Tingvall tregon se sa të njëanshme nga përmasat e janë në të vërtetë rrugët urbane.

Të gjithë jemi dëshmimtarë se dhe në rrugët e qytetit tonë madje edhe në trotuare apo hapësira të gjelbërta shpeshherë makinat marrin hapësira jetësore për zhvillimin normal të komuniteteve, duke lënë zero hapësira çlodhje, loje apo edhe thjesht kalimi, pa shkuar deri te pedalimi.

Kjo është ajo që kemi quajtur shpeshherë në protestat tona Liro Korsitë, një qytet në funksion të  makinave dhe jo të njerëzve.

Një martesë ekologjike! Solange Knowles martohet mbi biçikletë!

Një martesë ekologjike! Solange Knowles martohet mbi biçikletë!

Këto janë fotot e para të Solange dhe Alan Ferguson duke pedaluar drejt kishës!

Solange Knowles dhe  Alan Ferguson u lidhën zyrtarisht të dielën në Kishën e New Orleans, në prezencë të rreth 100 miqve të familjes!

Jay Z dhe Beyonce ishin gjithashtu dëshmimtarë në këtë martesë mbi pedale! E veshur sportive edhe për shkak të bicikletës Solange tërhoqi vemendjen e shumë fotografëve dhe mediave me mbërritjen e saj me bicikletë në Kishë!

Foto e çiklistit guximtar është bërë virale në Kinë!

Një ciklist i huaj u ndal përpara një makine që udhëtonte përgjatë shtegut të biçikletës në Pekin. Foto u përhap menjëherë në rrjetet sociale në Kinë, duke u kthyer në virale.

Si të ishte i student i ri para tankut të fuqishëm për të drejtat e tyre dhe ky çiklist mori të njëjtin respekt. Foto në mënyrë të pashmangshme kujton ngjarjet e trishtuaar në sheshin Tiananmen 25 vite më parë. Ndoshta kjo është edhe arsyeja pse kjo foto u përhap kaq shumë në Kinë dhe pushtoi rrjetet sociale të saj!

Foto u ngarkua ditën e shtunë në Weibo, një hibrid midis Facebook dhe Twitter që është rrjeti më i populluari në Kinë. Kjo foto u shpërnda plot 43.000 herë dhe pati rreth 7000 komente. Në foto ju mund të shihni qartë se si një çiklist i huaj është vendosur para një makine që që po përdor një rrugë bicikletash për ti rënë për shkurt!

"Ne të gjithë duhet ti bllokojmë këto sjellje keqadashëse të shoferëve dhe ti raportojmë ato në polici”

"Sot u ndodha në këtë ngjarje pranë rrugës  “Yaojiayuan” – shkruan në Weibo autori i kësaj foto. "Një çiklist i huaj u përball të ndaloj këtë makinë që po kalonte në rrugën e bicikletës. Ciklisti është mëse i vendosur të kthejë mbrapsht makinën! Jam i impresionuar nga forca e këtij veprimi”

Komentet mbi fotografinë u shumëfishuan në sekonda.  "Unë shpresoj që qytetarët kinezë të marrin shëmbull nga ky akt i guximshëm” ishte një ndër komentet.  "Ne duhet ti ndalojmë dhe ti denoncojmë zakonet e këqija të shoferëve të cilët nuk respektojnë të drejtat e çiklistëve."

Bicikleten prej Bambuje tashme mund ta ndertoni dhe vete!

Bicikleten prej Bambuje tashme mund ta ndertoni dhe vete! 

Nje kombinim perfekt i elementeve natyrore, forces, lehtesise dhe natyrisht pamjes teper te vecante. Kiti permban te gjitha tubat per montimin e bicikletes, instruksionet dhe kushton 179 USD , afersisht 130 Euro te cilat nuk jane pak, gjithsesi cmimi mendohet se do te zbresi!

Stacione vetëshërbimi për të riparuar bicikletat!

SHBA vendos stacionet e para të vetë-shërbimit për riparimin dhe mirëmbajtjen e biçikletave në qytet.

Stacionet e vetë shërbimit ofrojnë ajër për të fryrë gomat, pajisje për pastrimin dhe riparimin e zinxhirit, riparimin e frenave dhe të tjera shërbime. Këto janë disa nga problemet që çiklistët hasin në jetën e tyre të përditshme, Vendojsa e këtyre stacioneve në të gjithë qytetin do të lehtësonte shërbimet dhe mirëmbajtjen e bicikletave.

Ky është dhe qëllimi i këtij shërbimi të transportit në Atlanta, ku stacionet e shërbimit janë vendosur pranë stacioneve të autobusave, parqeve dhe zonave të tjera të frekuentuara nga ciklistet.

"Çiklizmi është në rritje dhe po ecën me hapa të shpejtë, kjo është një mënyrë për të inkurajuar edhe më shumë përdorues të bicikletës." – shprehen krijuesit e kësaj nisme. Më shumë bicikleta, më pak trafik dhe një cilësi më e mirë jetese

Bono i U2 përplaset me biçikletën e tij!

Lideri i  U2, një nga grupet më të famshëm në botë, është lënduar në njërin krah pas një aksidenti me bicikletë në Central Park, New York!

Lajmi u njoftua në faqen e grupit U2 nga shokët e grupit, Adam Clayton dhe Larry Mullen. Ndonëse nuk jepen shumë detaje se si ka ndodhur, Bono do të jetë për tu operuar dhe ka anulluar disa koncerte dhe shfaqje televizive.

"Duket se do të luajmë vetëm sonte shprehen anëtarët e grupit U2. Bono e ka krahun e lënduar gjatë një aksidenti me bicikletë dhe është për operacion” - Jemi të sigurt që do të shërohet së shpejti – shkruhet në faqen e U2.

Bono, i lindur në Dublin në 1960 (tashmë plot 54 vjeç) është i martuar që nga viti 1982 me Alison Stewart, të dashurën e tij me të cilën ka 4 fëmijë!

Shoferët e autobusave, çiklistë për një ditë!

Shoferët e autobusave, çiklistë për një ditë!

Një ndër aktivitetet e Javës me Bicikleta në kryeqytetin kolumbian, Bogota ishte dhe pedalimi i masiv i gjithë shoferëve të autobusëve.

Empatia është edukimi më i mirë qytetar! Për një ditë, shoferët e autobusëve ishin nën lëkurën e çiklistëve me një qëllim: për të kuptuar rreziqet, frikën dhe sfidat e atyre që lëvizin me bicikleta!

Turneu, i cili përfshinte dhjetëra shoferë autobuzash, zgjati 30 minuta, kohë e mjaftueshme për shumë shoferë për të ndryshuar rrënjësisht mendimin e tyre për çiklistët!.

Inisiativa ishte një përgjigje ndaj revoltës së shumë çiklistëve lokalë, të cilët pretendojnë se shumë autobusë shkelin rregullat e trafikut në dëm të komunitetit në rritje të çiklizmit.

Të dyja palët e këtij eksperimenti si çiklistët dhe shoferët përshëndetën nismën. Këto aktivitete duhet të bëhen më shpesh, pasi shoferët pothuajse kurrë nuk e konsiderojnë veten çiklistë, u shpreh një nga organizatorët. 

Industria e biçikletave në Evropë krijon 650.000 vënde pune!

Rrugës drejt 1 milion vënde pune!

Një studim nga Federata e çiklistëve evropianë, publikuar nga The Guardian, paraqet shifrat ekonomike të industrisë së biçikletave. Në 2020 kjo industri mund të arrijë 1 milion vende pune!

Biçikleta është qëndrueshmëri, ekonomi e gjelbërt, shëndet, lumturi ... por gjithashtu një motorr i fuqishëm i ekonomisë. Kjo është vërtetuar nga një studim i kohëve të fundit nga Çiklistët e Federatës Evropiane (ECF), të dhënat e të cilit janë publikuar nga gazeta britanike Guardian. Të dhënat janë inkurajuese: biçikleta punëson 650,000 njerëz në Evropë, duke përfshirë prodhimin, turizmin, tregtinë, infrastrukturë dhe shërbime.

Ekonomia e lidhur me biçikletat po rritet dy herë më shpejt se sektorë të tjerë si çelik, dhe më shpejt se industritë tradicionale të tilla si miniera. Në fakt, sipas studimit rritja e përdorimit të bicikletës si formë transporti coi edhe në rritjen e punësimeve në këtë sektor, nga (3%), u rrit me 6%, dhe në 2020 synon në 1 milion vënde pune.

"Investimi në biçikleta gjeneron përfitime më të mëdha ekonomike se çdo mjet tjetër transporti"

"Qeveritë duhet të jenë të vetëdijshme se investimi në ciklizëm është tërësisht i justifikuar për arsye të transportit, ndryshimeve klimatike dhe shpenzimeve shëndetësore”. "Tani ne mund të themi me plotë gojë dhe të tregojmë në mënyrë të qartë se çdo shteg biçikletë që është ndërtuar, ka kontribuar dhe ka gjeneruar vënde pune në ekonominë e gjelbërt”  Investimi në çiklizëm qëndron superior ndaj çdo përfitimi tjetër ekonomik të transportit. Prandaj, duhet të jetë opsioni i parë."

Studimi gjithashtu thekson se bicikleta ka sjellë përfitime shumë herë më të mëdha për bizneset e vogla lokale, si dyqane, kafene dhe restorante, si rrjedhojë e mundësive të pakufizuara të ciklistëve për të ndaluar, për ti vizituar dhe konsumuar në këto biznese.

230 metra shteg bicikletash tërësisht me panele diellore!

230 metra shteg bicikletash tërësisht me panele diellore!

Hollanda të mërkurën zbuloi të ashtuquajturën "SolaRoad" korsi biçikletash e cila është ndërtuar nga   panele diellore të mbuluara me xham rezistues.

Për të parandaluar aksidentet, xhami ka një sipërfaqje të ashpër, jo të rrëshqitshme.

Panelet fotovoltaike aktualisht e depozitojnë energjinë në rrjetin kombëtar, por planet e ardhshme janë që nëpërmjet tyre të ndricohen rruga dhe semaforët.

Bicikletat dhe makinat elektrike një ditë nëpërmjet këtij sistemi do të jenë në gjëndje të furnizohen direkt nga rruga – shprehet Sten de Ëit, fizikanti që ndihmoi zbatimin e këtij projekti.

"Ideja është që në Holandë ne kemi rreth 140,000 kilometra rrugë e cila është shumë herë më e madhe se të gjitha çatitë të vëna së bashku," thotë De Ëit.

"Kemi 25.000 kilometra shtigje biçikletash në Hollandë, të cilat duam ti shfrytëzojmë për energji të pastër, ndricimin e rrugëve dhe semaforëve."

"Potenciali i vërtetë i kësaj nisme do të jetë kur ne ta aplikojmë jo vetëm për shtigjet e bicikletave por edhe në rrugët e makinave," shtoi De Ëit.

Rruga e parë me panele diellore filloi punimet para 16 ditësh. Deri tashmë janë gjeneruar 140 kilovat energji elektrike, të barazvlefshme me rreth 140 cikle të lavatrices, thotë zëdhënësja e SolaRoad Jannemieke van Dieren.

Projekti ka kushtuar deri tani 3.000.000 € ($ 3,7 milionë USD), kryesisht për faktin se është projekt pilot dhe hera e parë që aplikohet.

Ministri holandez i Ekonomisë, Z. Henk Kamp ishte i pari që pedaloi 70 metrat nga 230 metrat e korsisë pilot me panele, në very të Amsterdamit ditën e mërkurë.

"Holanda është mjaft ambicioze kur flitet për energjitë e qëndrueshme. Kjo risi është pjesë e rëndësishme e investimeve në energjitë e pastra" shprehet Kamp.

Vend i vogël prej 17 milionë njerëz - dhe rreth 18 milionë biçikleta - shpreson të trefishojë përdorimin e energjisë të qëndrueshme nga 2020 dhe të ketë "energji neutrale" nga 2050, thotë Kamp.

SolaRoad do të testohet gjatë dy viteve të ardhshme në një rrugë që mbart rreth 2.000 çiklistëve në ditë, tha De Ëit.

Qëllimi është që të kemi sa më shumë shtigje dhe rrugë diellore në mënyrë që të shtojmë dhe makinat elektrike. 

1 Karikaturë sa 1000 fjalë! (Ndaje dhe ti rrugen me trenin)

Bicikleta tashmë njihet si forma më praktike e transportit. Megjithëse si e tillë shumë qytete të Shqipërisë nuk kanë asnjë infrastrukturë  biçikletë. Me mangësi është edhe qyteti ynë, Tirana. Dhe pse dhjetëfish më e lirë krahasuar me investimet në infrastrukturën e automjeteve, bicikleta nuk gëzon ende vëndin e duhur në rrugët tona.

Gjëja më e trishtuar është se shumë politikëbërës në qytete dhe qarqe në të gjithë vendin mendojnë se është krejtësisht e pranueshme që të ketë një korsi biçiklete pak këtu dhe pak aty, duke i detyruar ciklistet të akrobatojnë në trafikun e makinave. Një infrastrukturë e këtillë përvec se e rrezikshme është një shaka e hidhur që mund të marri jetë ciklistësh.

Steve Patrick Adams ka vizatuar një karikaturë e cila nxjerr në pah këtë absurditet, në mënyrë të qartë dhe të kuptueshme nga kushdo. Karikatura mund të duket paksa gallatë por në të vërtetë është e trishtë. Ajo ngre problemin për të gjitha qytetet që mendohen si miqësore me mjedisin dhe bicikletën, duke vizatuar korsi të bukura tek-tuk, në të cilat ciklistët gjejnë pak strehim në mes trafikut, por jo një rrjet të mirëfilltë dhe të lidhur që mbron dhe siguron ciklistët.  

Fatkeqësisht ndodh shpesh që të vetëkënaqur me segmente korsish nuk janë vetëm politikbërësit por edhe vetë çiklistët. “Kjo është më e mira që Bashkia mund të bëjë”, ose “Shikoni sa korsi po shtohen” janë shprehje që fatkeqësisht i flasim dhe mes nesh. Që bicikleta të ketë vëndin e duhur në rrugë dhe ciklistët të jenë vërtet të sigurt, njerëzit, ciklistët dhe politikbërësit nuk duhet të pranojnë një infrastrukturë bicikletë si kjo në këtë karikaturë.

(Rruga mbaroi sërish, tani me duhet ta ndaj rrugën me trenin)

Biçikletat arrijnë dhe kalojnë shitjet e makinave! Anglia 1.3 milion bicikleta te shitura me shume se makina!

Biçikletat arrijnë dhe kalojnë shitjet e makinave! Anglia 1.3 milion bicikleta te shitura me shume se makina!

Ekonomia Evropiane duket se ka marrë një kthesë  domethënëse. Cilat janë vendet ku bicikleta ka lënë pas makinën?

Bicikleta vs Makina! Kush po fiton?

Lajmi se spanjollët blenë më shumë biçikleta se sa makina në 2013, mund të vijë si një e papritur, por jo! Shitjet e bicikletave tejkalojnë ato të makinave në shumicën e vendeve evropiane, ndonëse dhe recesioni ka pasur një efekt në vitet e fundit, në këtë kthesë.

Prestigjozia “The Guardian” nxorëi dhe krahasoi numrat nga dy burime për të për të parë shitjet dhe shifrat:  Shoqata Evropiane e Prodhimit të Automobilave dhe ekuivalentja e saj për biçikletat “Coliped”.

Shitjet e bicikletave kanë tejkaluar shitjet e makinave pothuajse në të gjitha vendet europiane, por studimi është detajuar në 4 prej 23 shteteve që kanë ndryshuar mënyrën e lëvizjes, (Italia, Spanja, Belgjika dhe Irlanda) Hendeku më i madh ka ndodhur në Britaninë e Madhe, ku në 2011, janë shitur 1.3 milionë bicikleta më shumë se sa makina.

Kthesa e madhe ka filluar që nga viti 2000 !

Kjo është surpriza e dytë më e madhe, pasi kjo nuk është një prirje e re, por një trend i qendrueshëm prej vitesh. Shitjet e biçikletë kanë tejkaluar ato të makinave çdo vit që nga viti 2000, thjesht hendeku po zgjerohet me rritjen e shitjeve të biçikletave dhe rënien e regjistrimeve të automjeteve.

Mendohet se hendeku është edhe më i madh në shifra, pasi të dhënat nuk kanë llogaritur biçikletat dhe makinat e dorës së dytë, por i referohet vetëm shitjes së produkteve të reja.

Nga një bashkëpunim i Ecovolis me Instat u nxorrën të dhënat për importin e bicikletave ne 5 vitet e fundit në Shqipëri. Shitjet e bicikletave kanë një rritje domethënëse edhe te ne!

A mendoni dhe ju se këto janë të habitshme? 

Stili De la Riva “Ha pi pedalo”!

E cuditshme por e vertetë : një vend ku shijohet ushqim I shkëlqyer tradicional dhe kremtohet pasioni për dyrrotakun !!! E nese je një klient ciklist, të ftojnë për të gjerbur verë të bërë vetë!!! Është e mundur???

Pesë vite më parë, Pepe Moran, pronari I restorantit De la Riva – adresa Rruga Cochabamba 13- Madrid- u bëri punonjësve të tij një ofertë tejet joshëse “ Nese vini në punë me bicikletë do të keni një rritje rroge prej 10 %”

E besoni dot qe askush prej tyre nuk e pranoi këtë “kusht” ? Ata I thanë “jo” qetësisht parave : vec njëri, më I riu, pohoi nën zë, se kishte ndërmend të blinte një bicikletë në ditët në vijim. Pepe Moran nuk po u besonte, veshëve e syve.

Kjo anekdotë shërben për të krijuar idenë e dashurisë për dyrrotakun, që dallon 57 vjecarin Moran, nga pronarët e zakonshëm të bizneseve e jo vetëm, dashuri e cila bëhet konkrete me pedalimin e gjatë e të përditshëm që ai bën cdo dite nga lagjja e tij e largët Puerta de Hierro drejt restorantit të tij, restorant I cili mban tashmë mbi supe plot 10 vite.

“Bëhet fjale për një biznes TEJET TË NGROHTË E INTIM- shton ai- Unë kam fatin të njoh personalisht, cdo klient qe zgjedh të shijojë ushqimin e atmosferën që mban emrin Dela Riva. “

Pasioni I tij për pedalet dallohet lehtë : mjaft të hedhesh një sy mureve ku qëndron një numër I papërcaktuar, dyrrotakësh të jashtëzaknshëm, e të përzgjedhur me kujdes. Përmendim këtu bicikletën historike me të cilën Fabian Cancellara pedaloi ne “Tour de France”, për të vazhduar me relike të rralla të viteve 30 e për ta mbyllur me bicikleta shumëngjyrëshe për te vegjlit.

 Qëllimi I tij është një dhe I vetëm : të percojë tek klienti dashurinë e tij per dy rrotat.

Por jo vetëm kaq : për ata klientë që zgjedhin të vijnë ne restorantin De la Riva duke pedaluar, verën e ofron shtëpia.

7 Arsye për tu çuar nga sedilja makines, për të pedaluar!

7 Arsye për tu çuar nga sedilja makines, për të pedaluar!

Biçikleta nuk është vetëm një mjet i transportit të gjelbërt dhe argëtimit, por ajo është gjithashtu një nga alternativat më të mira për të qëndruar në formë dita ditës. Por në detaje, kush janë përfitimet e të pedaluarit? Më poshtë janë disa nga përfitimet që urojmë t’ju nxisin të coheni nga sediljet e makinës dhe të filloni një jetë aktive dhe më të shëndetshme.

1.       Biçikleta është efikase për të reduktuar kolesterolin në gjak dhe për të mbrojtur zemrën tonë. Pedalimi i përditshëm zvogëlon çdo mundësi për atak në zemër.
2.       Pedalimi ndihmon për të forcuar muskujt e këmbëve, për të humbur në peshë dhe nëse nuk keni kohë për të praktikuar bicikletën si sport, ju mund ta përdorni për të shkuar në punë apo për lëvizjet e përditshme duke përfituar të njëjtat të mira.
3.       Për dhimbjet e shpinës është zgjidhja ideale! Pjesa e kurrizit, muskujt dhe kockat e pasme përfitojnë nga pedalimi duke u forcuar ndieshëm.4.       Gjunjtë tona stërviten në një mënyrë tepër të butë duke i mbrojtur afatgjatë nga cdo lloj dëmtimi.

    5.       Stresi dhe tensioni , janë një tjetër meritë e madhe e biçikletave që nëpërmjet ushtrimit dhe  veprimtarisë së përditshme na lirojnë nga stresi dhe tensioni. Përveç kësaj biçikleta nxit të menduarit, çlodhjen duke lënë pas ndërhyrjet negative.6.       Ashtu si shumë aktivitete të tjera fizike, çiklizmi forcon sistemin tonë imunitar, çliron endorfinën e cila na bën të ndihemi më aktiv, përmirëson vetë-respektin dhe ul depresionin.
7.       Nëse keni nevojë për më shumë arsye motivuese mbi përfitimet e biçikletës, pyesni një doctor, një ambientalist apo thjesht kërkoni “përfitimet e bicikletës” dhe menjëherë do ju shfaqen dhe dhjetëra ndikime të tjera pozitive të biçikletës.

Pse fëmijët janë më të rrezikuar se të rriturit nga ndotja e ajrit!

Tashmë të gjithë jemi të vetëdijshëm se të mbyllësh xhamin e makinës është thjesht një veprim prej struci që nuk i shërben askujt. Nëse do jetojmë a do mbijetojmë tashmë varet nga ne, unë, ti dhe atyre që i kemi dhënë mundësinë të na drejtojnë. Është koha të bëjmë tonën në rradhë të parë dhe të kërkojmë me ngulm masa dhe politika për të na mbrojtur nga ndotja e makinave. Është vërtetuar tashmë se përdorimi i bicikletës është shërim për qytetet që vuajnë nga kjo NDOTJE!

 Ekspozimi i fëmijëve ndaj ndotjes së ajrit sot përbën shqetësmin kryesor për shëndetin, pasi sistemi i tyre imunitar dhe mushkëritë nuk i janë zhvilluar plotësisht dhe ekspozimi ndaj ajrit të ndotur te të vegjëlit është tërësisht ndryshe nga të rriturit. Fëmijët shpesh kalojnë më shumë kohë jashtë, ku përqendrimet e ndotjes nga trafiku, janë përgjithësisht edhe më të larta.

Edhe pse ndotja e ajrit ka kohë që përbën faktorin kryesor në përkeqësimin e sëmundjeve edhe më të lehta, studimet e fundit dëshmojnë se ndotja e ajrit dhe veçanërisht ndotja e lidhur me trafikun, është e lidhur me vdekshmërinë foshnjore, zhvillimin e astmës dhe hiperalergjive.

Ndotja e ajrit është shkaku kryesor për bronkitin akut te fëmijët, për kollën kronike dhe sëmundjet e tjera të frymëmarrjes. Është e vërtetuar se në ato zona ku ndotja e ajrit është në nivele të ulëta, sëmundjet te fëmijët janë gjithashtu në rënie.

Pyetjes pse fëmijët janë më të rrezikuar se të rriturit nga ndotja e ajrit i përgjigjen disa fakte kryesore;

1.       Mbrojtjet natyrore te fëmijët janë më pak të zhvilluara.

2.       Filtrimi nëpërmjet hundës është më pak efektiv se te të rriturit.

3.       Lëkura e tyre është disa herë më e depërtueshme se te të rriturit.

4.       Sistemi i tretjes, rrugët metabolike, organet e veshkave dhe organet vitale janë ende në zhvillim.

5.       Sjellja dhe kontakti më i afërt i tyre me mjedisin.

6.       Fëmijët luajnë më afër tokës, duke u ulur përtokë dhe duke marrë kontakt me papastërtitë, pluhurin dhe toksinat përreth mjedisit.

7.       Fëmijët shpesh vënë duart e tyre, lodrat dhe sende të tjera në gojë duke shtuar disa herë mundësitë e infeksioneve.

8.       Fëmijët janë gjithashtu të varur nga të rriturit për të siguruar që mjedisi i tyre është i sigurt.

9.       Fëmijët marrin frymë, hajnë dhe pijnë më shumë në raport me masën e tyre trupore se sat ë rriturit.

1.       Për shkak të kohës së shpejtë të zhvillimit gjatë periudhës së paralindjes, sistemi i  organeve është veçanërisht i ndjeshëm ndaj efekteve negative që rezultojnë nga ndotja e mjedisit!

Organizata Botërore e Shëndetësisë deklaron se 2,4 milion persona vdesin çdo vit nga shkaqe të lidhura në mënyrë direkte me ndotjen e ajrit, 1,5 milion nga këto vdekje i atribuohet ndotjes së ajrit në vende të mbylluar, që zakonisht njihen si vendet me ajër të pastër. Gjatë një viti ka më tepër vdekje nga ndotja e ajrit se sa nga aksidentet automobilistike. 310.000 Evropianë vdesin çdo vit nga ndotja e ajrit. Agjencia e Mbrojtjes së Mjedisit në ShBA deklaron se nëse miratohen ndryshimet e propozuara nga vetë ajo në karburantet e makinave do të ketë 12.000 vdekje të parakohshme më pak, 15.000 infrakte më pak, 6.000 vizita në dhomën e emergjencave nga fëmijë ma astmë, 8.900 shtrime në spital për problem me frymëmarrjen ose aparatin frymëmarrës çdo vit.

Disa nga sëmundjet e lidhura me ajrin e ndotur janë:

Kanceri

Sëmundje zemre

Sëmundje mushkërie

Astma

Pneumonia dhe komplikacionet e saj

Bronkiti

Alergji të lidhura me frymëmarrjen

Dhimbje koke dhe migrenë

Macho-Ciklizmi : Perëndimi i një epoke!

Macho-Ciklizmi : Perëndimi i një epoke!

Sipas autoriteteve londineze, menyra se si meshkujt e ngasin dyrrotakun, e ka rritur ndjeshëm numrin e aksidenteve, rrugëve kryeqytetase te vendit të Big Benit e mbretëreshës Elizabeth. Kjo është arsyeja për të cilën strukturat përkatëse, po përpiqen të promovojnë femrën mbi dy rrota.

Si? “Reduktim testosteroni” do ishte përgjigjja metafore e Andreë Gilligan, një nga drejtuesit më të rëndësishëm të gjithckaje ka të bëjë me ciklizmin në epiqendrën britanike. “Raporti I ciklistëve femra me ata meshkuj, qëndron në përpjestim krejt të zhdrejtë”- vazhdoi ai

‘Dëshira jonë është të promovojmë një kulturë kontinentale ciklizmi, kulturë e cila gjen mbi dyrrotak njerëz pa dallime moshe e shtrese sociale.  Ka ardhur koha që të heqim dore nga profili I ciklistit klasik :mashkull I ri në moshe.”

Në këtë sens Gilligan është i bindur se investimi për një infrastrukturë më të madhe ciklistike në kryeqytet, (si ndërtimi I korsive të bicikletave krah Tamizit) do të qe zgjidhja e duhur për të ndihmuar në rritjen e numrit të femrave mbi dy rrota.

Epoka e macho-ciklistëve po perëndon : tashmë është koha e sexy-pedalueseve. 

Yjet e Hollivudit bashkohen në luftën kundër ndryshimeve klimatike!

“Një ditë do të zgjohemi për të kuptuar se kemi ndryshuar tërësisht fytyrën e Tokës", thotë aktori Morgan Freeman në këtë video, e cila u shfaq kohët e fundit në “Samitin e Klimës” të Kombeve të Bashkuara. Mesazhi: nafta, gazi natyror dhe qymyri janë duke shkaktuar rritje të ndjeshme të temperaturës së Tokës, dhe ne nuk mund të presim akoma për burimet alternative të energjisë.

Shumë aktorë janë duke përdorur ndikimin e tyre për të rritur ndërgjegjësimin mbi ndryshimet klimaterike. Cameron Diaz ishte nga të parat aktore që përdor një makinë hibride.  Leonardo DiCaprio gjithashtu përdor një të këtillë, dhe po punon në realizimin e një filmi mbi ngrohjen globale, duke u angazhuar dhe në shumë fushata mjedisore.

Brad Pitt ka themeluar një organizatë për rindërtimin e shtëpive të shkatërruara nga stuhitë me materiale miqësore ndaj mjedisit. Harrison Ford gjithashtu udhëtoi drejt Indonezisë për të ndaluar masakrën e shpyllëzimit dhe drejton një seri televizive në lidhje me ndryshimin e klimës.

"Unë shpresoj që të përdorim ndikimin tonë, për të motivuar njerëzit dhe për të kontribuar në mbrojtjen e mjedisit", thotë Don Cheadle në një iniciativë të Kombeve të Bashkuara. "Unë jam i befasuar që mjedisi nuk është në krye të rendit të ditës. Ka gjë tjetër më të rëndësishme se ushqimi dhe ajri i pastër? "

Bashkë mund të bëjmë ndryshimin e madh. Bisedoni me familjen dhe rrethin tuaj të miqve në lidhje me rreziqet e ngrohjes globale, nga rreziqet e shëndetit tonë dhe ndaj kërcënimeve bujqësore. Mëso për energjitë e pastra dhe përfitimin në shtëpitë tuaja. Aktet të vogla si riciklimi i mbeturinave ose pedalimi mund të ndihmojë në luftën tonë ndaj ndryshimeve klimaterike!

ISHTE KOHA KUR DUHEJ GUXIM PER TE PEDALUAR

(…se italianet nuk njihen vetem per pizza-n)

Sot kujtojme Alfonsa Strada, ciklisten e pare italiane, e cila guxoi te pedalonte ne “gara mashkullore” si “Xhiron e Lombasrdise” e “Xhiron e  Italise”, nje nga pioneret ne rrugetimin drejt barazise gjinore ne ciklizem e jo vetem.

Ajo nisi te pedalonte para moshes 14 vjecare e kur e ema I tha se mundesia e vetme per ta vazhduar kete “cmenduri” ishte te martohej me dike e te largohej nga shtepia, ajo zgjodhi mekanikun Luigi Strada, me te cilin u shperngul ne Milano . Dhurata e marteses ishte nje dyrrotak,  Ishte viti 1905.

Ne pedalimin me te  rendesishem ne Itali, ne Xhiron e Italise (Giro d’Italia)  te vitit 1924, ajo paraqitej me disa fitore jo te vogla: ishte shpallur ciklistja me e mire italiane, kishte fituar Xhiron e Lombardise, e mgjt e drejta e saj per te marre pjese vihej ende ne dyshim. E mes dyshimnajes, ne emrin e saj si pjesemarrese e gares ne Gazeten e Sportit , u harrua nje germe “a” ,  “a”-ja me e rendesishme mbase. Emri u shtyp Alfonsin Strada e vetem pak ore para gares u zbulua se behej fjale per nje femer. Vazhdimi me pas eshte nje histori e njohur per Italine e viteve 20, kur barazia gjinore tingellonte nje anektode e ku sfida ndaj meshkujve paguhej shtrenjte : Alfonsa u lejua te vazhdonte garat por kohezgjatja e pedalimit te saj nuk do te merrej parasysh.

Duke ditur kete ajo I lejoi vetes te ndalonte shpesh gjate pedalimit per te firmosur kartolina me fytyren e saj : tashme ishte shnderruar ne nje idhull te enderrimtareve e guximtareve anembane botes. Mgjt ajo numeron rreth 36 gara te fituara ndaj kolegeve te saj meshkuj dhe sot ajo eshte nje element I rendesishem I trashigimise kulturore italiane, nje element qe na sjell nder mend se e gjitha kjo qe sot kemi, eshte fryt I nje lufte te gjate njerezish te mire te cilet besuan fort se ndryshimi varet nga ne!